MUKAVCI Zasadbreg,
MJESNI ODBOR Zasadbreg

SUĐENJE FAŠNIKU 99.

U ZASADBREGU 13. 02. 1999.

Poštovana publiko!

Zahvaljujem se, najpredi, sema kaj smo se i denes osmi pot za redom, zišli v tak lejpomu i velikomu broju i još k tomu tak lejpo nacifrani i maskerani. To sam znaći da nam maskeraje dobro ide i da smo se v tomu već dobro zdreserali i da nas niti sneg niti nikše druge vremenske nevole nebreju v tomu sprečiti

Velepoštuvana gospodo i gospođe maškuri! Dozvolite da najpredi još jemput pozdravim naše drage, denešje visoke i svetešje, zamaskerane i drugač zablinderane i zbegecane goste; z Vularije i Novog sela na Dravi, Vesele međimurce z Čakovca, i fašjačku grupu KUD-a z Žiškovca. Posebni pozdrav i zahvala na uzvratnom posjetu, našim malim i dragim gostima z vrtića u Mačkovcu, šteri su dojšli z svojimi fajnimi tetami. Tetece smo nej meli prilike videti, pa jih pozdravlam ako su ostali doma, jer mi tu denes tetece niti ne nucamo.

Pozdrav prvim facama i glavama svetojurovske općine, šteri se, po obićaju, ne kažeju na našem maskenbalu, ali jih se je red zmisliti i pozdrajti jih, jer su trebali biti glavni pokrovitelji, ali su se, kak po dobrom starom običaju, već sigurno pogađate, pok nej skazali, kak i navek do ve dok je Zasadbreg v pitanju. Da je to Lopatinec, ili šteri drugi općinarskiji kraj, bi to sigurno drugač zgledalo i morete si sam misliti da bi se vtrgnuli od angažeraja. A zamislite si kakši bi to bio ftrgjeni ili pretrgjeni naćelnik i to još za nekoga drugoga osim za sebe.

Posebno topli pozdrav ide i sema vama, dragi naši zasančari, zasančarke i zasančarčići, bilo da ste maskejrani ili ne, šteri ste se denes tu zbrali z našega najlepšega i najzelenišega a ve i najbelišega brega, Zasadbrega, jer se ovo i delamo zaradi vas i nas somih, a nej radi drugih, ili pak mortik rom i ftruc sema jima.

Ako sam još koga preskočio, bilo z naše općine, z Međimurja ili pak još od dale, se mu ispričavlem i isto ga tak lejpo pozdravlam i želim mu naj se denes ugodno, lejpo, toplo i nezaboravno med nami osječa, kak da je doma.

Moramo se još zafaliti i našemu vrednomu predsjedniku Mjesnog odbora, kaj nam je za denešji den predao zasačke kluče i prepustio nam vlast v Zasadbregu. Probali bomo se i nadale držati reda kaj mu našu zasačku republiku i zastavu, vrnemo v tork, ili najkesneše v sredu v jutro, lepšu i složnišu neg je bila dok nam ju je predal.

Na kraju ovoga našega lejpoga, mrzloga i snežnoga popolnevnoga druženja, a pred veliku fašjačku zabavu pod maskami i bez jih, čeka nas još jen vrlo važen, ozbilen i odgovoren zadatek, pak predlažem da si odma si skup flučnemo v šake i primemo se suđenja i presuđivanja fašjaku, šteri nam je nakon dugo vremena i nakon čuda potrošene moke konačno opao v šake, a bio je na dugo i na veliko iskani naš selski, općinski, županijski i državni neprijatelj i kriminalec broj jen, tolvaj, bludnik i razbojnik, razvratnik, međunarodni švercer z ljudima, drogom i sakojakšim drugim stvarima, prevarant i tat, šteromu smo već dugo z specijalcimi bili za petaj na sakom kilometru jegovoga najnovišega mercedesa, šteromu smo prisluškivali telefone i mobitele i za šterim je već dugo raspisana međunarodna potjernica. I zato smo se ga odlučili denes, pred se vas kak porotnike i svedoke dopelati, optožiti, usuditi i primjereno kazniti, za se naše lanjske i ovoletne nevole, i kaj nam se u buduće ne bi već nikaj takšega kak do ve događalo i ponavlalo.

A prvo za kaj ga tu očemo optužiti su dve osobe štere su obilježile naše lanjsko leto. Jena od jih je svetski pozanata, mala i bucmasta Monika, štera je popušila a unda je dala se od sebe kaj se proslavi i pročuje. A druga je još menjša, još bole bucmasta i zdepasta, još bole okrogla i zišvrgotana, ali zato čuda bole prefrigana i premazana sim mašćama, štera nosi sima bole domaće ime, Borivoje, i još je k tomu z naše gore list, šteri nema v sebi nikaj od naših visokih dugih i ravnih borov z šterih se dauko vidi ali i od šterih se moreju dobiti sakojake kvalitetne grede, foslini i deske. Od ovoga se pak nebre dobiti niti WC deska, niti pak nekša kvalitetna smoliga, niti pošteni švarklin, ali šteri nam je unatoč tomu lani patentirao PDV i zbog šteroga smo mi si od unda popušili i to bole od Monike. Ali ve jeni veliju da je tu naš fašjak bio nevin i nemoćen i da si je kak i mi niti on nej mogeo nikaj pomoći, pred silnim naletom šarma, šarmantnog tofjača, šteri nas je se skup stofjao, šarmerao i zanoreo.

Veliju isto tak da je nevin i da je nikaj nej bio kriv i da je nej meo prste polek dok je naš dragi jedini i vječni predsjednik vječne nam Rvacke, vužgao svetlo kaj je zišla z socijalističkoga i drugoga devetstoletnoga mraka, i šteru su onda jegovi hahari z južnoga istoka, kak Atilini tatari, poharali uzduž i poprek, i zavzeli i osvojili za sebe se vredniše pozicije i vredniša mesta, tak kaj je nam pak ostala sam naša gola Rvacka, bole gola i bole boga, neg je bila kroz celu svoju dugu i kmičnu povjest do ve. Isto tak veliju da je nej nikak mogeo sprečiti našega dragoga i jedinoga do ve pravoga predsjednika kaj nam ne objavi i ne pove kak nam je lani sema skup bilo jako dobro, kak smo živeli, služili i trošili bole nego smo delali, kak je pri nas bilo demokracije za izvoz, a ljudska prava, stanje nacije, bankarski, kreditno monetarni, sindikalno uposlenički, a pogotovo zdravstveni i mirovinski sustav, najboljši v Evropi, i kak je čistam normalno da saki naš sermak ima v bar jenoj našoj problematičnoj banki, čiji je direktor v zatvoru, na oročenoj štednji po par sto hiljada marki, da mu se najde za slučaj potrebe pri roki, a ostatak da čuvle na deviznim računima po svetskim bankama.

Ali je zato naš fašjak duplik kriv i odgovoren kaj je nej sermaškomu predsjedniku obzirno objasnio da je on nej predsjednik Švicarske.

Kriv je kaj mu je nej objasnio i povedao, i kaj ga je nej razuvjerio, da nam je prav za prav opće nej tak dobro, lejpo i lehko kak jemu i jegovim debelim savjetnicima i da mi nemamo kaj oročavati niti po našim, niti po stranjskim bankama, da ga v tomu jedinstvenomu i neponovljivomu, renoveranomu zdravstvenomu sustavu, osim ako je nej un u pitanju, nej niti za lekove, niti za hranu, niti za opremu i v šteromu doktorima nej treba pacijente, nego si uni somi, bez vas, na vaše kartone zapišejo, kuliko su vas tej mesec trebali vraćiti, de su vas, da su vas, i od čega su vas vraćili i da su vam i na kuliko rati šteroga zoba spuknuli, naprajli mosta ili deli plombu, i kuliko ste jih tej mesec koštali, makar ste niti doktora niti zobara nej vidli.

Kriv je kak gut bi se šteo zvleči i opravdati i za naš jedinstveni na svetu mirovinski sustav, šteri već ima vejć penzionerov nego radnikov šteri za te penzije služiju, tak kaj je čistam normalno da su nam penzije premale i se kesniše a sema šteri još delaju je tej penzionerski kamen već nekoliko pot prežmeten. Kriv je kaj se prosvjetari stalno slikaju i buniju kak su plaće od hiljadu marki za dvajsti školskih sati na tjeden za jih premale i nedostojne, a za se une šteri moraju celi mesec delati i čkomiti za 1000 kuna, ili pak delaju a plaću niti ne dobiju nišći niti ne pita niti jih slika, i za štere je to nekaj čistam normalno. Izgleda da bi nešterne prosvjetare trelo malo poslati na normu v tvornicu kaj vidli i osjetili kak se penezi služiju. Kriv je kaj se ve mi, šteri smo tu od navek, moramo boriti v našoj samostalnoj, suverenoj, međunarodno priznatoj i slobodnoj domovini za svoj status, kak kakša nacionalna manjina, jer su nas okupirali, stiha zarobili i z nami zagospodarili nekši novi Hrvati z južnoga istoka šteri su tut do fčera hodili s torbami prek ramena, i za štere bu ve treba zmisliti nove mercedese bez volana, jer v jeni roki držiju mobitel a z drugom kopaju po nosu.

Veliju dale da je nej kriv za to kaj smo saki herbali nekšu tvornicu z par sto radniki, kaj smo postali tajkuni z mercedesaj, audijima i be em veima kak statusnim simbolima, a još do fčera smo koli hodili žicat za gemišt, kak se hodimo skijat po Austriji, Švicarskoj i Italiji, a kak vidite imamo dosti snega i doma. Ali je kriv kaj ga v tim našim tvornicama nej već posla za nas, kaj smo radi takših herbiji ostali bez sega, bez posla i bez plače, a od statusnih simbolov jim su pripali mercedesi s mobitelima, a nam jive slike. A za to je nešći kriv. A što bu drugi ak ne fašjak.

Veliju da je nej kriv kaj smo mi primjer županija po stranački raspodjeljenoj vlasti, v šteroj i vlast i opozicija jako dobro i lejpo funkcionerju na opće zadovolstvo, kak v Švicarskoj. Pa normalno da funkcionera, ak naši političari z svojim štabovima, v Švicarsku hodiju po instrukcije. A to kaj se na županiji nezna niti što pije niti što plaća, to je normalno. U stvari se zna, oni pijeju, mislim na vlast i opoziciju, a mi plaćamo. A kak dobro moreju piti, vidi se po tomu kaj su nešterni, prije dolaska na županijske funkcije, zapili, zbrisali i vništili svoje bivše firme pa jim je ve još županija dobro dojšla kaj ju pomuzeju. I tu se već vidiju jako dobri i perspektivni rezultati. Zanimljivo bu ćuti kak budu se opravdavali pred biračima. A izbori su veliju na pragu. Pazite zato kaj bu vam što od jih prodaval i kak bu vam farbal. I probajte misliti malo duže od denes ili pak od fčera.

Neje kriv niti za se ono dobro kaj nam je doneseo ustroj općine pre Juriju v šteroj drmaju trmaste lokalne veličine, zna se odkud, tak kaj od sega dobroga za nas ne ostane niti d, jer se zglajza v predsjednikovu, načelnikovu, ili kakšu drugu grabu z štere se unda već nebre na breg. A vi sigurno znate i de su, i kakše su te grabe i da jih je nej moći zravnati.

Kriv i za čudaj toga kaj nam se lanjsko leto dogodilo v Zasadi. Tu su naši vredni vatrogasci mesto uobičajenih vatrogasnih aktivnosti, po šterima su do lani bili jako poznati i popularni, otprli v svojemu domu krčmu z kartarajem, pušejem i pijančevajem, za zasačke maloljetnike i dve tri druge stalne mušterije takših tulumov, tak kaj se ve nezna ak su nej zakartali i šprice i auta i čudaj toga drugoga kaj su godinama vredno zbirali na kup. Nogometaši su pak skrompali svoje igralište jer jim je staro bilo premalo, pak su se za vreme utakmice nej ftegnuli niti prav spuhati a i protivnikov jim je gol bio stalno preblizu. Osim toga strastveni kibici su nej ftegnuli, za vreme utakmice, skartati niti jenu partiju bele pod orehom, jer je lopta preveć fletno išla od našega k protivničkomu golu, a unda je treba obavezno skočiti v zrak i kričati na suce i igraće ako je nej opao gol. Zato su stisnuli si skup glave i naprajli novo, lepše, vekše, ravniše i još bole travnato igralište na šterom bu, dok ga letos otpreju lopta od gola do gola išla i črez dve partije bele i na šteromu jim je bio zaviden i Kroacijin dinamo, pak je odma počeo i on dotiravati svoje igalište kaj ne budu zaostajali za nami. Ali uni se sejeno nebreju z nami. Dok nama budu pod utakmicama popevali ftičeki na brezama, i kibici zvali dvesto, jim budu tulili lavi a navijači jim budu jednoglasno, s dva glasa stiha, navijali i skadnerali za ekipu, štere ga nej niti na igrališću niti v ligi, nego tijam v Pančevu.

Za ve naši nogometaši prvakima v ligi glediju v hrbet i veliju da bi već si gledali našima v hrbet sam da su se nej naše puce spuntale pak su nam zbegli za zete dojti nekši novi, ajnc a nogometaši, šteri bi z ovima kaj smo jih dopelali za po pelaj gnoja, i s još nešternima našima, bili spremni jurišati direktno v prvu ligu. A tu je sigurno i naš fašjak meo svoje prste. Ali se mortik još kaj da do protuletja poprajti. Puce pazite, veliju da je i Prosinečki još sloboden. Se se morate letos obavezno ženiti dimo i se z ajnc a nogometašima.

Doma v Zasadi delamo na leta, i još vam jemput moremo pokazati kaj smo do ve uspjeli naprajti i kak dauko smo dogurali. Predsjednik veli da delamo toliko koliko moremo i koliko imamo penez. A penez ga nigdar nej dosta. S kak se malo penez tu barata, izgleda da nam čak dosta dobro ide. Općina nam na sramoto neće nikaj dati jer je jim kak pravim lopatinčarima, kulturnima i široko orjentiranima, prioritet jiv dom pak ve se rivleju v jega z rokami i z nogami sam kaj ga čim predi naprajli. Veliju istina da on nema veze z općinskom kasom, nego da oni glavni hodiju tam na dobrovoljne volonterske akcije. Malo morgen. Jedino se treba nadjati da bu se jemput moglo zeznati, za koliko je općinski proračun zbog toga bio ležiši, i kak dugo. A to bute morali premeniti vi na drugim izborima, ako bute šteli meti čiste račune. Prek pota oni imaju gotovu dvoranu, v šteru su već zluskali čudaj penez, bar prema unumo kaj se do ve zna, a ove dneve su lusnuli još, jer je trelo za plavo-belo-žuto-zelenu-roznu noć. Probajte vi pofarbati svoju noć s kakšim gut bojami očete, nišći vam nau lusnu nikaj. Pitajte unda fašjaka kakši su to aranžmani u pitanju. Ali to je nej za javnost. No mi bumo svojega doma, ako Bog da jempot i zgotovili. I mortik se dogodi da se do unda konačno oformi i naš KUD i da bu moći jempot i to čudo videti, da v našem domu naš KUD ima svoju predstavu za se nas skupa. Za ve pak doma raubujeju uglavnom stolnotenisači, a negda negda i kesnonoćni kartaši bele, dok se ne zazeleni oreh i otpre novo igrališće. Vu jem je još nišći nej služio gustuvaje, ali se mortik jemput i to otpre i krene, pak bu onda sigurno još bole korisniše i pametneše iskorišten. Veliju da još treba čuda toga v jemu naprajti, ali se je moći nadjati da bu se i to naprajlo kak i se ostalo do ve.

Naš KUD je još na vek, već osmo leto v osnivanju i za nadjati se je da bu se do desete maškarade za dve leti valda i osnovao, registrirao i prodelao. Do ve je navek akcija osnivanja trajala od fašjanske sobote do pepelnice i unda do drugoga leta crknula. Ima šanse kaj bu i ve tak još dale. A mi bumo se sejeno nadjali da bu se jemput i to premenilo. Za kaj nej rom ve, letos. Već nema smisla srmaškoga fašjaka sako leto kriviti zbog toga. Ako niti letos ne uspije, već nebumo od puste sramote mogli fašjaku i k letu ponovno prekeliti još i to.

Naše zasačke učitelice so vam se vraže. Dok one hodijo okoli za maškore, jivi sermaški moži hodijo v zasade honorarno vućit decu. Istina nej su nam šteli povedati kak su jim platile, v gotovini ili pak su to oddelavale na rate i fagaše. Uglavnom veliju da su si bili zadovolni i da su si dobro prejšli.

Mukavci su se lani tak dobro skazali dok su hodili okoli za maškore i po međimurju i po Rvackoj da jih je ovo leto skorom nišći već nej šteo nikam zvati niti meti za goste jer su jenima preveć spili, druge pak su skorom zajeli dok su se od tretjih nej dali dimo. A bilo je i jalnih, naročito uni šteri su se šepurili po autobusu, a unda su ustanovili da su doma pozabili devinu glavu i rit, tak kaj je jiv vrag od jada rigao ogja po sema i se po sud, a Arafat devac s feredžom je zbog zgublene riti nej meo partnericu. No z drugimi isto tak dobrim i uspješnim maskama su dojam naveliko popravlali. Ipak je od lanjkih maškurov ostalo čudaj lejpih i nezaboravnih doživljaja šteri se budu pamtili bar tak dugo dok jih ne zameniju letos ili pak k letu novi isto tak lejpi i zanimljivi susreti i događaji.

A za te selske bedastoče, hurmastoče i gluposti radi šterih su si babe po seli cejlo leto rabile jezike, je naš fašjak u stvari najveć i najbole kriv jer je nej dosta pazio na se nas skupa. Pa ako mu i oprostimo se uno na kaj je nej mogeo utjecati jer se odigravalo predauko i previsoko, ovo je sigurno mogeo i morao sprečiti. Ako za nikaj drugo, za ovo je zaslužio kaj ga osudimo kak glavnoga krivca i skurimo ve tu pred sema nama kak svedocima, za opomenu ka nebremo tak duže i dale, ali i ka odiženemo od sebe saku krivicu. Zato prosim izvršitele kazne da se prijmeju časnoga posla. A sema drugima nek to bo zadja opomena kak bi mogli zijti ako se budu s hurmastočami u buduće bavili.

Zasački fašnički sod i sodec